«Арсенал» ярим ҳимоячиси Месут Ўзил янги мавсумга янги қиёфа билан тайёргарликни бошлашга қарор қилди. У сочини оқ рангга бўяди.
«Арсенал» ушбу ёзда германиялик футболчини сотишни мақсад қилганди. Лондонликлар уни Туркиянинг 3 жамоаси — «Галатасарой», «Фенербахче» ва «Истанбул Башакшеҳир»га таклиф қилишди. Шу билан биргаликда, "канонирлар" 1-2 йил давомида футболчи маошининг маълум қисмини тўлаб беришга ҳам тайёр эди.
Ўзил 2013 йилда «Реал»дан «Арсенал»га 47 миллион евро эвазига ўтган эди. Ўтган мавсумда у лондонликлар сафида барча мусобақалар доирасида 35та ўйинда майдонга тушиб, 6та гол урди ва 3та голга узатма берди. Ярим ҳимоя билан тузилган шартнома 2021 йилда якунига етади.
