«ПСЖ» ва «Реал Мадрид» жамоалари футболчи айрибошлаш арафасида турганидан хабарингиз бор. Унга кўра, «ПСЖ» Неймарни қўйиб юбориш эвазига кучли футболчи ва яхшиган пул ишлаб олиши мумкин. Бундан ташқари, «ПСЖ» раҳбарлари атайин футболчини «Барселона»нинг азалий рақибига қулай имкониятлар билан сотиб юборишмоқчи. Бу вазиятга бугун Роналду ўз фикрини билдирди. Айнан шу воқеа атрофидаги инсонлар томонидан берилган интервьюларни эътиборингизга тақдим этамиз

Зидан

Биз умид қиламазки, у тез орада бизни тарк этади. Ҳозирда унинг трансфери борасида иш олиб боряпмиз. Мен ва Гарет ўртасида ҳеч қандай шахсий адоват йўқ!  Шунчаки, ҳамма нарсани ўзгартириш вақти келади. Бу қарорни эса мен қабул қиламан. Биз ўзгаришимиз ва ўтган мавсумдан тўғри хулоса чиқаришимиз даркор. Бейл борасидаги вазият 24 соат ёки 48 соатдан сўнг ўзгариши аниқ. Бу ўзгариш ҳамма учун фойдали бўлишига аминман.

Роналду

Ҳозирда Гарет Бейлнинг атрофида бўлаётган воқеаларнинг ҳаммаси «Реал Мадрид» клуби ўз футболчиларига қандай муносабатда эканлигини кўрсатиб турибди. Клуб тарихига ўз исмини ёздириб қўйган ва жамоани катта ғалабаларга етаклаган футболчиларнинг ҳам «Реал Мадрид» учун қандай аҳамият касб этиши Бейлнинг ҳозирги ҳолатидан яққол маълум бўлиб турибди. Шахсан ўзим Зидан ортга қайтгач ҳаммасининг ўзгаришига ва муаммолар бартараф этилишига ишончим комил эди. Боз устига, унинг келиши эвазига футболчиларга бўлган ҳурмат яна ортга қайтади деб ўйлаган эдим. Ахир Зизу футболчиларни яхши тушунадиган мураббий эди. Мен Зиданнинг Бейл ҳақида айтилган сўзларидан шок холатига тушиб қолдим. Бейл ўз ёшлигини ва энг зўр йилларини бу клубга берган бўлсада, уни шунчаки омма олдида клубдан ҳайдаб юборишмоқда. Бунга чидаб бўлмайди. Афсуски, фақатгина Бейл «Реал Мадрид»дан ҳурматсизлик кўрди десам, адашган бўламан. «Реал Мадрид» ўз футболчиларига бўлган муносабатини ўзгартириши лозим. Акс холда, «Реал Мадрид» ўз буюклигини йўқотиб қўяди.