«PSJ» va «Real Madrid» jamoalari futbolchi ayriboshlash arafasida turganidan xabaringiz bor. Unga ko‘ra, «PSJ» Neymarni qo‘yib yuborish evaziga kuchli futbolchi va yaxshigan pul ishlab olishi mumkin. Bundan tashqari, «PSJ» rahbarlari atayin futbolchini «Barselona»ning azaliy raqibiga qulay imkoniyatlar bilan sotib yuborishmoqchi. Bu vaziyatga bugun Ronaldu o‘z fikrini bildirdi. Aynan shu voqea atrofidagi insonlar tomonidan berilgan intervyularni e’tiboringizga taqdim etamiz

Zidan

Biz umid qilamazki, u tez orada bizni tark etadi. Hozirda uning transferi borasida ish olib boryapmiz. Men va Garet o‘rtasida hech qanday shaxsiy adovat yo‘q!  Shunchaki, hamma narsani o‘zgartirish vaqti keladi. Bu qarorni esa men qabul qilaman. Biz o‘zgarishimiz va o‘tgan mavsumdan to‘g‘ri xulosa chiqarishimiz darkor. Beyl borasidagi vaziyat 24 soat yoki 48 soatdan so‘ng o‘zgarishi aniq. Bu o‘zgarish hamma uchun foydali bo‘lishiga aminman.

Ronaldu

Hozirda Garet Beylning atrofida bo‘layotgan voqealarning hammasi «Real Madrid» klubi o‘z futbolchilariga qanday munosabatda ekanligini ko‘rsatib turibdi. Klub tarixiga o‘z ismini yozdirib qo‘ygan va jamoani katta g‘alabalarga yetaklagan futbolchilarning ham «Real Madrid» uchun qanday ahamiyat kasb etishi Beylning hozirgi holatidan yaqqol ma’lum bo‘lib turibdi. Shaxsan o‘zim Zidan ortga qaytgach hammasining o‘zgarishiga va muammolar bartaraf etilishiga ishonchim komil edi. Boz ustiga, uning kelishi evaziga futbolchilarga bo‘lgan hurmat yana ortga qaytadi deb o‘ylagan edim. Axir Zizu futbolchilarni yaxshi tushunadigan murabbiy edi. Men Zidanning Beyl haqida aytilgan so‘zlaridan shok xolatiga tushib qoldim. Beyl o‘z yoshligini va eng zo‘r yillarini bu klubga bergan bo‘lsada, uni shunchaki omma oldida klubdan haydab yuborishmoqda. Bunga chidab bo‘lmaydi. Afsuski, faqatgina Beyl «Real Madrid»dan hurmatsizlik ko‘rdi desam, adashgan bo‘laman. «Real Madrid» o‘z futbolchilariga bo‘lgan munosabatini o‘zgartirishi lozim. Aks xolda, «Real Madrid» o‘z buyukligini yo‘qotib qo‘yadi.