Сoca Cola Суперлига 14-туридан ўрин олган “Навбаҳор” – “Қизилқум” жамоалари ўртасидаги баҳсда ҳисобидаги сариқ карточкалари тўрттага етганлиги боис, жамоамиз ярим ҳимоячилари – Азимжон Аҳмедов ва Иван Соловьёв майдонга тушишмаганди.
Шу боис, Аҳмедов борасида турли миш-мишлар тарқалганди. Аммо бу миш-мишлар ҳеч қандай асосга эга эмас ҳамда Азимжон Аҳмедов ва Иван Соловьёв жамоамиз аъзолари билан бугун Тошкентга жўнаб кетишди. “Лочинлар” эртага Бухорога йўл олишади.
Сoca Cola Суперлига 15-тури доирасидаги “Бухоро” – “Навбаҳор” учрашувида мазкур футболчиларнинг майдонга тушишлари эҳтимоли юқори.
Эслатиб ўтамиз, “Бухоро” – “Навбаҳор” баҳси 31 июль куни соат 20:00да старт олади.
Бўлажак ўйинда “лочинлар”га омад ёр бўлишини тилаймиз.
“Навбаҳор” ПФК матбуот хизмати.
