Ушбу рукндаги энг сўнгги янгиликлар билан таништиришда давом этамиз.
«Ливерпул» 20 миллион фунт стерлингга ўйинчи олмоқчи
«Ливерпул» жамоаси бош мураббийи Юрган Клопп Франциянинг «Бордо» жамоаси ҳужумчиси Франсуа Камано трансферини истамоқда. Клопп бу футболчини ҳарид қилиш орқали бир нечта фронтда кураш олиб бора оладиган жанговар ҳужум учлигига бироз дам бериш ҳақида бош қотирмоқда.
23 ёшлик футболчининг трансфери «Ливерпул» учун 15 миллион ва бонуслар ортидан яна 5 миллион фунтга тушиши мумкин.
Эслатиб ўтамиз, ҳозирда Клопп жамоасида 4 та ҳужумчи мавжуд бўлиб, Даниел Старридж эркин агент сифатида жамоани тарк этган. Франсуа Камано айнан ангилиялик футболчининг ўрнини эгаллаши кутилмоқда.
Неймар бош кўтарди
«ПСЖ» клуби етакчси Неймар жамоаси учун майдонга тушишдан бош тортмоқда деб хабар тарқатган «Соccэр.ру» нашри.
Унга кўра Бразилиялик футболчи «Барселона» томонидан таклиф келиб тушишини кутмоқда. «Барселона» «ПСЖ»га таклиф жўнатган бўлсада, француз клуби атайиб «Барса»га рад жавобини берди. Париж клуби раҳбарлари Неймар «Барселона»дан бошқа клубга арзонроқ сотиб юборишга ҳам тайёр эканлигини расман эълон қилишди. Қисқача қилиб айтганда Неймар сериали давом этади.
«Тоттенҳем» курашга қўшилди
«Манчестер Юнайтед» жамоаси Бруно Фернандеш билан музокараларни ижобий ҳал этишга жуда яқин келган бир пайтда, футболчи учун курашга «Тоттенҳем»ҳам қўшилди.
Лондон клуби мутасаддилари футболчи борасида расмий таклиф билан чиққан бўлсада, аввалига «Спортинг» раҳбарли рад жавобини беришади. Сўнгра «Тоттенҳем» ўзининг иккинчи таклифни юборади. Энг қизиғИ шундаки, Португалия клуби музокарлар ўтказиш учун жамоанинг агентини Лиссабонга чорлайди. Бугун икки клуб раҳбарлари ўртасида учраҳсув бўлиб ўтиши лозим.
Эслатиб ўтамиз, «қизил иблислар» 10 кундан буён Фернандешнинг трансфери устида иш олиб боришмоқда.
Ража Наиголан кетади
«Интер» клубида ўз ўрнини йўқотган Бельгиялик Ража Наинголлан ўз фаолиятини «Фиорентина» жамоасида Давом эттирадиган кўрнади.
Флоренция клуби кейинги ҳафтада футболчини ўз сафига қўшиб олиши мумкин. Агарда томонлар футболчининг трансфери борасида тўлиқ келишувга эришса, сешанба куни «Фиорентина» жамоаси Наинголланни ижарага олишни мўлжалламоқда.
«Интер» раҳбарлари эса, Конте томонидан клубга керак эмас деб ҳисобланаётган футболчининг бошқа клубга ўтиши учун ижарага беришга ҳам рози.
Дени Дринквотер клубсиз қолиб кетди
Ангилиянинг «Челси» клуби ярим ҳимоячиси Дени Дринквотер жамоанинг янги устози Френк Лемпард томонидан жамоага кераксиз деб топилгани борасида хабар берган эдик. Энг қизиғи шундаки, футболчининг трансфери борасида бирорта клуб Лондонликлар билан алоқага чиққанича йўқ. Агарда бу хол трансфер ойнаси ёпилмагунга қадар давом этса, футболчи «Челси»да қолишига тўғри келади.
Дени «Челси» сафида ҳафтасига 100 минг евро маош олгани боис бирорта клуб уни ижарага олишни ҳам истамаяпти.
«Интер» Ребич борасида таклиф билан чиқди
Ўтган мавсумда ўзининг ажойиб ўйинлари билан кўплаб грандларнинг эътиборини тортган хорватиялик Анте Ребич «Интер» жамоаси эътиборида турибди.
23 ёшлик ҳужумчининг трансферини шахсан Контенинг ўзи истамоқда. «Интер» футболчи учун «Айнтрахт» жамоасига 35 миллион евро таклиф қилишни режа қилмоқда. Немис клуби эса, ўз футболчисини 40 миллион евродан камига қўйиб юбормоқчи эмас.
Шунингдек футболчига «Атлетико Мадрид» жамоаси ҳам кўз тикиб турибди. Агарда Ангел Кореа «Милан» сафига ўтса, «Атлетико» Ребич борасида музокаларга киришишни режалаштирган
