"ПСЖ" ҳужумчиси Неймар Imperio Properties девелоперлик компанияси қураётган ҳашаматли The Icon мажмуасидан уй сотиб олмоқчи, дея хабар беради "Вестник Кипра" нашри.
Неймарнинг агенти Пини Захавийни Imperio нинг Лимасолдаги сотув идорасида компания директори Яннис Мисирилис билан бирга кўришган. Кипрдан уй сотиб олиш Неймарга бу мамлакат фуқаролигини олишга ёрдам беради. Инвестиция дастурига кўра, мамлакат иқтисодиётига 2 млн евро инвестиция киритган ёки 2 млн еврога кўчмас мулк сотиб олган чет эллик Кипр фуқароси бўлиши муикин. Бундан ташқари, футболчи молиявий манбаларнинг легаллигини тасдиқлаш ва 150 минг евро тўлаши керак.
Соҳил бўйидан 500 кв. метрга тенг аппартаментнинг баҳоси 5 млн евро атрофида, бу сумма бразилиялик футболчининг ушбу мамлакат фуқаролигини олиш учун етарли бўлади. Бу ишлар "ПСЖ" билан "Барселона" ўртасида футболчининг трансфери бўйича музокараларнинг тикланишига сабаб бўлиши мумкин. Бунга футболчининг Кипр фуқароси эканлиги ёрдам беради.
