Беш нафар футболчи РПЛда август ойининг энг яхши ўйинчиси учун мукофотга даъвогарлик қилмоқда.

Бу "Ростов" ҳужумчиси Элдор Шомуродов (5 та ўйинда 5 та гол ва тўпурарлар пойгасида 1-ўрин), "Крылья Советов" ҳужумчиси Александр Соболев (5 та ўйинда 3 та гол ва 1 та голлик узатма), "Спартак" ярим ҳимоячиси Гус Тил (4 та ўйинда 1 та гол ва 3 та голлик узатма), "Локомотив" ярим ҳимоячиси Гжегож Крыховяк (5 та ўйинда 3 та гол) ва ЦСКА ҳимоячиси Марио Фернандес (5 та ўйинда 2 та гол).

Номзодлар мутахассислар томонидан танланди.

Энг яхши ўйинчи мухлислар овоз бериши орқали аниқланади.