Сербия терма жамоаси ва «Реал» клуби ҳужумчиси Лука Йович Евро-2020 саралаш босқичи доирасида бўлиб ўтган Португалияга қарши ўйинда (2:4) жароҳат олди.
Сербиялик футболчи аввалроқ ўйинга тайёргарлик жараёнида жароҳат олган эди. У баҳснинг 87-дақиқасида захирадан майдонга тушиб, жароҳатини чуқурлаштириб олди.
Йович тиббий кўрикдан ўтганидан кейин терма жамоанинг Люксембургга қарши бўладиган ўйинида ҳужумчини майдонга туширмаслик ҳақида қарор қабул қилинди.
Йович ушбу мавсумда Ла лиганинг 3та ўйинида майдонга тушиб, ҳозирча гол урмади.