Бразилиялик футбол афсоналаридан бири Роберто Карлос ўз ватандоши Неймарнинг ПСЖдаги салоҳиятига юқори баҳо берди.
"Ҳар қандай футболчи "Реал"да ўйнашдан хурсанд бўларди. Аммо Неймар билан бу ҳол юз бермади. У ПСЖда бахтли ва тез орада дунёнинг энг яхши футболчисига айланади. Месси, Криштиану, Неймар ва Мбаппе, шубҳасиз планетамизнинг энг яхши тўртлигини ташкил этади", - дея Карлоснинг сўзларидан иқтибос келтиради Marca.
Дарҳақиқат, Неймар икки марта, аниқроғи, 2015 ва 2017 йилларда "Олтин тўп" учун даъвогарлар учлигига киритилган.