Хабарингиз бор, 2 октябрь куни "Андижон" жамоаси 21-тур доирасида Термизнинг "Сурхон" жамоасини "Соғлом Авлод" стадионида қабул қилади.
Ушбу турга "Сурхон" жамоаси йўқотишлари билан ташриф буюриши шубҳасиз. Сабаби, жамоанинг асосий дарвозабони Асилбек Омонов ўтган турда АГМК жамоасига қарши учрашувда учрашув бош ҳаками томонидан огоҳлантирилиб, сариқ карточкалари сонини 4тага етказиб олди ва "Андижон" жамоасига қарши бўладиган учрашувни автоматик равишда ўтказиб юборади.
Шу кунгача Асилбек Омонов "Сурхон"-"Пахтакор", "Навбаҳор"-"Сурхон", "Локомотив"-"Сурхон" ва "Сурхон"-АГМК жамоалари ўртасидаги учрашувларда огоҳлантирилишга улгурганди.
Бундан ташқари, "Сурхон" жамоаси таркибида Ҳусниддин Ғофуров ва Шавкат Саломовлар учтадан сариқ карточка олишга улгуришган. Агар ушбу футболчилар "Андижон" жамоасига қарши учрашувда огоҳлантириладиган бўлишса, у ҳолда 22-турда ўз жамоасига ёрдам беради.
