Ноябрь ойида U-19 Осиё Чемпионати-2020 саралаш баҳслари ўтказилади. Ўзбекистон ёшлар терма жамоаси айни пайтда Саудия Арабистони мезбонлик қиладиган саралаш баҳсларига тайёргарлик жараёнини давом эттирмоқда.
Отабек Ғуломхўжаев бошчилигидаги Ўзбекистон ёшлар терма жамоаси тайёргарлик доирасида бир қатор мусобақа ва ўртоқлик ўйинларида майдонга тушмоқда.
Ўзбекистон U-19 терма жамоаси Таиландда ўтадиган “GSB Bangkok Cup” мусобақасига таклиф олди. Мазкур мусобақада, шунингдек, Жанубий Корея, Таиланд ва Вьетнам ёшлар терма жамоалари ғолиблик учун баҳс олиб боришади. Мусобақа 2 та ўйин кунидан иборат бўлиб, ярим финалда ғолиб чиққан жамоалар чемпионлик учун, ярим финалда мағлуб бўлганлар эса 3-ўрин учун ўйинда майдонга тушишади.
Мусобақа тақвими:
10 октябрь | Ярим финал
Жанубий Корея U19 – Ўзбекистон U19
Таиланд U19 – Вьетнам U19
