Тошкент шаҳрида 23-29 октябрь кунлари бокс бўйича катталар ўртасида Ўзбекистон чемпионати бўлиб ўтади. Мусобақада Республикамизнинг турли ҳудудларидан ташриф буюрадиган 200 дан зиёд чарм қўлқоп усталари ғолиблик учун баҳс олиб боришади.
Регламентга кўра баҳслар 10 та вазн тоифасида (-49 кг, -52 кг, -56 кг, 60 кг, -64 кг, -69 кг, -75 кг, -81 кг, -91 кг, +91 кг) ўтказилади. 11:00 дан старт оладиган жангларга пойтахтимиздаги “Универсал” спорт мажмуаси мезбонлик қилади.