Профессионал бокснинг ярим ўрта (-66,68 кг) вазн тоифасида рингга кўтарилаётган Қудратилло Абдуқаҳҳоров (16-0, КО) Луис Коллазога (39-7, 20 КО) қарши жанг олдидан тарозидан ўтди.
Қудратилло 66,723 (147,1 фунт) кг тош босди ва вазн меъёридан атиги 45 грамм ўтиб кетди. Аммо жанг рейтинг жанги бўлгани учун вазнни камайтиришга ҳожат йўқ деб ҳисобланди ва у иккинчи марта тарозига чиқмади. Луис Коллазо эса 66,405 кг (146,4 фунт) тош босди.
Эслатиб ўтамиз, жанг 18 октябрь куни (Тошкент вақти билан 19 октябрь эрта тонгда) АҚШнинг Филадельфия шаҳрида бўлиб ўтади.