Корея Халқ Демократик Республикасида оғир атлетика бўйича ўсмирлар ўртасида Осиё чемпионати бўлиб ўтмоқда. Қувонарлиси, мусобақани терма жамоамиз вакиллари муваффақиятли бошлашди.

Дастлаб қизлар ўртасида Нигора Абдуллаева вазни -49 килограммгача бўлган спортчилар баҳсида икки кураш натижасига кўра кумуш медаль билан тақдирланган бўлса, йигитлар ўртасида -73 килограмм вазн тоифасидаги баҳсларда олтин ва кумуш медаллар бизнинг спортчиларимизга насиб этди. Бу борада Асадбек Наримонов якунда 294 килограмм билан олтин, 292 килограмм натижа кўрсатган Оғабек Тўхтаев эса кумуш медаль билан тақдирланди.