Англиянинг "Ливерпуль" клуби бош мураббийи Юрген Клопп "Астон Вилла" (2:1) устидан қозонилган ғалаба ҳақидаги фикрларини билдириб ўтди.
"Биринчи бўлимда жуда кўплаб яхши вазиятлар бўлди, аммо биз улардан фойдалана олмадик. Мен ҳар доим ҳам ғалаба қозонишимиз ҳақида айта олмайман, лекин мен ҳеч қачон таслим бўлмайман. Шу боис, ҳисобни тенглаштирган пайтимизда ғалаба қозонишимизга ишона бошлагандим. Биз бундан ҳам яхшироқ ўйин намойиш эта олишимизни биламиз", - Клоппнинг сўзларидан иқтибос келтирмоқда ВВС.