Ушбу рукнимизга оид янги интервьюлар тўпламини эътиборингизга ҳавола этамиз. Бугун футбол афсонаси Дэвид Бекҳемнинг эътирофига сазовор бўлган футболчилар ҳақида сўз боради.
Уэйн Руний
Уэйн Ангилиянинг энг буюк клубининг тирик афсонаси саналади. Унинг МЛСга ташрифи бутун бошли чемпионатнинг савияси йўқорилашини таъминлаб беради. Руний исталган дақиқада ўз имкониятларини намойиш этиши ва ўйин тизгинини тўлиқ бошқа томонга буриб юборишга қодир. У нафақат АПЛ, балки бутун Англия футболининг чинакам юлдузи. У ҳақида узоқ сўзлашим мумкин. Нега дейсизми? Сабаби, мен унинг мухлисиман.
Неймар
Неймарнинг нималарга қодир эканлиги унинг «Сантос» клуби билан шартнома тузишдан аввал ҳам яққол маълум эди. 17 ёшида бутун дунёни ўзи ҳақида сўзлашга мажбур эта олган футболчилар орамизда жуда кам. Боз устига, Неймар ўз ўйин услуби ва футболга қарашига эга йигит. У каби туғма иқтидорли футболчилар бир авлодда фақат бир боргина туғилади. Унинг майдондаги чиройли ҳаракатлари мухлисларни ўз ўрнидан туриб кетишига мажбур қилади.
Роналду
Криш билан кўп бор мулоқатда бўлганим боис, уни инсон сифатида ҳурмат қиламан. Унинг майдондаги ҳаракатлари барчани лол қолдиради. Футболнинг равнақ топиши ва катта бизнесга айланишида Кришнинг тутуган ўрни беқиёс. Тўғри, «Реал Мадрид»дан кетгач футболчининг ўйинларида пасайиш кузатилди, бироқ бу одатий хол. Ҳеч бир футболчи спорт кун тартибига риоя қилиш борасида унинг олдига туша олмайди. Мен уни роботга ўхшатаман. Улкан натижаларга эришган бўлсада, ўз мақсадлари сари тинимсиз интилишда давом этаётганига қойил қолмасдан иложимиз йўқ.
Лео Месси
Илк бор Мессига қарши тўп сурган ўйинимни яхши эслайман. ЙЧЛ доирасидаги ўйин эди. У мени ҳудди симёғочни алдаб ўтгандек доғда қолдирганида, футболдан кетадиган вақт бўлганини чуқур ҳис этган эдим…
Месси ва Роналду
Бу йигитларнинг 30 ёшдан ошган бўлсада, майдонда кўрсатаётган ҳунарларини томоша қилиш ёқимли. Уларни футболни тарк этишлари ҳақидаги гап сўзларни асосиссиз деб ҳисоблайман. Кўплар қатори менда ҳам уларни бир жамоада кўриш орзуси мавжуд. Тўгри, бу шунчаки орзу лекин футболда нима бўлишини олдиндан айтиб бўлмайди. Балки, уларнинг навбатдаги клуби МЛСдаги «Интер» жамоаси бўлар?!
Зидан
У билан машғулот ўтказиш менинг орзуларимдан бири эди. Мадридга кўчиб ўтгач, унинг ҳар бир ҳаракатини ўзлаштиришни истаган бўлсамда, бирортасини ҳам ўйинда амалга ошира олмаган эдим. У шу қадар кучли теҳника эгаси эдики, бошқа бирорта футболчи билан солиштиришнинг иложи йўқ. У нафақат футбол ичида балки, унинг ташқарисида ҳам катта хўжайинлар қаторига кирар эди. У ўзининг етакчилиги билан ажралиб турсада, жуда самимий инсон. Зидан футбол салоҳиятини қай даражада эканлигини мураббийлик даврида ҳам барчага намойиш қилишни уддалади. Мен Зидан сингари буюк футболчи билан бир жамоада тўп сурганимдан фахрланамн. У барча замонларнинг энг яхши футболчиси
