Қишки трансфер ойнаси очилмаган бўлсада, кўплаб футболчиларнинг трансфери ҳақидаги миш-мишлар кўпайиб бормоқда. Дарҳақиқат, айрим футболчиларнинг навбатдаги клуби номи таҳминан аниқлашмоқда. Бугун қишги трансфер ойнаси чоғида амалга ошиши кутилаётган трансферлар ҳақида сўз боради.
Иско – «Арсенал»
Испаниялик ярим ҳимоячи катта эҳтимол билан қишда жамоани тарк этиши кутилмоқда. Ҳозирда Зидан бошчилигидаги «Реал Мадрид»да унга заҳира ўриндиғидан ҳам жой топилмаяпти. Ўзининг энг кучга тўлган даврини бой бермаслик ва терма жамоадан чақирув олишда давом этиш учун ҳам футболчи катта эҳтимол билан яқинлашиб келаётган трансфер ойнаси чоғида Мадридни тарк этади. «Тҳе Гуардин» нашрининг хабар беришича, Иско тез орада «Арсенал» жамоаси билан музокараларни бошлайди. Месут ўзилнинг «тўпчилар» сафидаги ўрнини эгаллаши кутилаётган Исконинг ўзи ҳам клубини тезроқ алмаштириш ниятида. Футболчининг таҳминий трансфер қиймати 70 миллион еврони ташкил этади ва бу сумма «Арсенал» учун ортиқча муаммо туғдирмаса керак.
Сами Ҳедира –«Манчестер Юнайтед»
Ҳедира ҳам янги мавсумни яхши бошлай олмади. Майдон марказидаги кучли рақобат сабабли асосан майдон четида қолиб кетмоқда. Турин клуби ушбу мавсумда бир нечта ярим ҳимоячиларни ҳарид қилгани боис, Ҳедирага эҳтиёж сезилмаяпти. Бундан ташқари, Сарри ўйин услубида Ҳедира сингари оғир футболчига бора-бора жой топилмай қолмоқди.
Германиялик футболчининг ўзининг сўнгги мавсумларини заҳирада ўтказишни истамаяпти. Агарда Ҳедира бошқа клубга ўтса, катта эҳтимол билан бу «Манчестер Юнайтед» клуби бўлади. Ёзги трансфер ойнаси чоғида кучли трансферларни амалга оширмагани учун ҳам оддий ўйинларда очко йўқотмоқда. Норасмий манбаларнинг хабар беришича, Сулшернинг шахсан ўзи, у қадар қиммат бўлмаган нархга тажрибали ярим ҳимоячини ҳарид қилишни истамоқда.
Усман Демвеле – ПСЖ ёки «Бавария»
Ёш иқтидор эгаси «Барселона»да Немарнинг ўрнини эгаллаши кутилган эди, бироқ унинг маъсулиятсизлиги бироз панд бермоқда. Машғуотларга кечикич, жамоадошлар билан жанжаллар, қизил карточкалар футболчига бўлган ишончнинг кескин пасайиб кетишига сабаб бўлди. Бундан ташқари, Антуан Гризманнинг жамоага келиши футболчининг клубдаги ўрнини янада омонатлашиб қолишини таъминлади.
«Барселона» Усманни Неймар билан айрбошлашга рози бўлмаган бўлсада, қишки трансферлар чоғида ўз қарорини қайта кўриб чиқишга тайёр. Гап шундаки, клуб футболчидан кутган мўъжиза юз бермаяпти ва юз бермаса ҳам керак. Шунингдек ҳозирда қайта қурилаётган «Бавария» ҳам Дембелени қўлга киритиши мумкин. Бундеслига доирасидаги ўйинда 5 : 1 ҳисобида анчадан бери мағлубиятга учрамаган «Бавария» ҳам катта трансферларсиз иш битмаслигини тушунгани аниқ. Қисқача қилиб айтганда, Дембеленинг трансфери борасидаги миш-мишлар қишда урчиб кетиши кутилмқода.
Иван Ракитич - "Интер"
Бир неча йил давомида «Барселона»нинг асосий ярим ҳимоячиси мақомини ҳеч кимга бермаган хорват бу мавсумда заҳирага михланиб қолганидан хабарингиз бор. Ҳозирда қаҳрамонимиз рақобатда ёшроқ футболчиларга имкониятни бой бермоқда. Шундай бўлсада, унинг ҳизматларига бўлган қизиқиш заррача пасайгани йўқ. Ҳозирда уни «Манчестер Юнайтед» жамоаси кузатиб бораётган бўлсада, Ракитичнинг кейинг манзили «Интер» клуби бўлиши кутилмоқда. 4 карра Испания чемпионлигини қўлга киритган хорватиялик футболчининг ўзи ҳам фаолиятини «А церийа»да давом эттиришга қарши эмас. Нисбатан тезлик пастроқ бўлган биринчилик 30 ёшдан ошган ярим ҳимоячи учун айни муддао бўлса, ажаб эмас.
Оливие Жиру - "Интер"
Франциялик ҳужумчи Френк Лемпарднинг жамоасида ўрин топа олмади. Тамми Абраҳамнинг соясида қолиб кетаётган жаҳон чемпионининг жамоадан кетиши ҳақидаги миш-мишлар аллақачон тарқаб бўлган. Жирунинг ўзи клуб асосий таркибдан жой тайин этилсагина клубда қолишини расман эълон қилди. Шундай бўлсада, Лемпарднинг жамоасида Жиру учун фақат заҳирада жой топилмоқда.
Ҳужумчи катта эҳтимол билан қишки трансфер ойнаси чоғида Лондонни тарк этадиган кўринади. Унинг ҳизматларига Миланнинг «Интер» клуби устози Антонио Конте қизиқиш билдирмоқда. Агарда томонлар келишувга эришса, қишки трансфер ойнасининг илк трнасфери айнан Жиру бўлиши кутилмоқда.
