Мадриднинг «Реал» клуби ярим ҳимоячиси Лука Модрич Италия А Сериясига ўтиши қанчалар мумкин эканлиги ҳақида гапириб ўтди.

Жорий мавсумда хорватиялик футболчи “Реал” таркибида мунтазам равишда майдонга тушмаяпти, шу сабабли, қишки трансфер бозорида у «Сантьяго Бернабеу»ни тарк этмоқчи.

«Менга Италия ёқади, географик жиҳатдан Хорватияга яқин. Мен бу чемпионатни кузатиб бораман, чунки у ерда кўплаб ҳамюртларим ўйнайди. Қолаверса Италия маданиятлари Хорватияникига ўхшаш. Кўрамиз, бир кун келиб Италия чемпионатида пайдо бўларман. Мен ҳозир фақат “Реал” клуби ҳақида гапиришим мумкин, чунки мен “Реал”нинг аъзосиман. Менга бу ерда ўйнаш ёқмоқда ва ҳозир келажагим шу клуб билан боғлиқ», - Модричнинг сўзларидан иқтибос келтирмоқда Sky Italia.

Модрич «Реал» таркибига 2012 йилнинг ёзида Англиянинг «Тоттенхэм» клубида ўтган. Унинг “Реал” билан тузган шартномаси 2021 йилнинг ёзигача мўлжалланган.