Madridning «Real» klubi yarim himoyachisi Luka Modrich Italiya A Seriyasiga o‘tishi qanchalar mumkin ekanligi haqida gapirib o‘tdi.
Joriy mavsumda xorvatiyalik futbolchi “Real” tarkibida muntazam ravishda maydonga tushmayapti, shu sababli, qishki transfer bozorida u «Santyago Bernabeu»ni tark etmoqchi.
«Menga Italiya yoqadi, geografik jihatdan Xorvatiyaga yaqin. Men bu chempionatni kuzatib boraman, chunki u yerda ko‘plab hamyurtlarim o‘ynaydi. Qolaversa Italiya madaniyatlari Xorvatiyanikiga o‘xshash. Ko‘ramiz, bir kun kelib Italiya chempionatida paydo bo‘larman. Men hozir faqat “Real” klubi haqida gapirishim mumkin, chunki men “Real”ning a’zosiman. Menga bu yerda o‘ynash yoqmoqda va hozir kelajagim shu klub bilan bog‘liq», - Modrichning so‘zlaridan iqtibos keltirmoqda Sky Italia.
Modrich «Real» tarkibiga 2012 yilning yozida Angliyaning «Tottenxem» klubida o‘tgan. Uning “Real” bilan tuzgan shartnomasi 2021 yilning yozigacha mo‘ljallangan.
