Ушбу мавсум сўнггида топ чемпионатларда тўп сурувчи бир нечта футболчиларнинг клуб билан тузган шартномаси ўз якунига етади ва улар қишки трансфер чоғида бошқа клублар билан музокара ўтказиш ҳуқуқига эга бўлишади.
Дрис Мертенс
Ўзининг «Наполи» клубидаги ўйинлари билан барчага яхши таниш бўлган бельгиялик ҳужумчининг шартномаси ўз якунига етиб қолди. Тўғри, у ҳозирда 32 ёшда бироқ, унинг тезлиги сира камаймаган ва у ҳали ҳамон фойдали футболчилар қаторига киради.
Ҳозирда футболчининг агенти ва клуб ўртасида музокаралар олиб борилмоқда. Мертенснинг ўзи клуб томонидан муолиявий қулай 3 йиллик шартнома талаб қилмоқда. «Наполи» эса, ўз футболчисини бепул қўлдан чиқариб юбормаслик учун ҳам унинг шартларига кўнса, ажаб эмас.
Эдинсон Кавани
ПСЖ жамоасидаги узоқ йиллик фаолияти давомида доиммо сояда қолиб кетгани билангина ёдимизда қолган ҳужумчининг ҳам шартномаси ўз якунига етишга яқин турибди.
Дарҳақиқат, Париж клуби уругвайлик ҳужумчи билан кўплаб ютуқларга эришган бўлсада, топ даражага чиқа олмади. ПСЖ жамоаси тарихидаги энг кўп гол киритган ҳужумчи февраль ойида 33 ёшга қадам қўяди. Унинг фаолияти қай кўринишда давом этиши катта жумбоқ бўлиб турибди. Франция нашрлари уни клуб билан 2 йиллик шартнома тузиши ҳақида маълумот тарқатаётган бўлса, қолган нашрлар Каванини МЛС жамоаларидан бири сафига бориб қўшилишини таҳмин қилмоқда. Воқеялар ривожини кузатамиз.
Кристиан Эриксен
«Тоттенҳэм» Эриксен учун ўтиб бўлинган бекатга айланди десак, адашмаган бўламиз. Даниялик футболчи қишда жамоани тарк этишга жиддий қарор қилган ва ўз қарорини ўзгармоқчи эмас.
Ўтган мавсумдаги «Тоттенҳем»нинг асосий ижрочисига айланган футболчи ўз омадини бошқа клубда синаб кўришни мақсад қилмоқда ва клуб билан шартнома тузишдан бош тортди. Клуб Эриксонни ўз тарихидаги энг катта маош олувчи футболчига айлантиришни истаётган бўлсада, футболчи Лондонда қолишни исмади. Катта эҳтимол билан қишда уни Мадрид жамоасида кўришимиз мумкин. Атиги 6 ой шартномаси қолган футболчи учун «Тоттенҳэм» хўжайинлари қанчалар зиқна бўлишмасин катта сумма сўрай олишмайди. Шу сабабли, Эриксен қишки трансфер ойнаси чоғида албатта бошқа жамоа сафига бориб қўшилади.
Педро
Лондоннинг «Челси» клубида жавлон ураётган испаниялик футболчининг ҳам АПЛдаги саргузаштлари ўз якунига етиб қолган кўринади. «Барса» тарбияланувчиси ушбу клуб сафида чакки мавсумларни ўтказмади. Совринларни ютишга муваффақ бўлди ва катта эҳтимол билан ёзда ўз юртига қайтади.
Ҳозирда унинг агенти билан Испаниянин бир нечта ўртамиёна жамоалари қизиқиш билдиришган бўлсада, футболчининг ўзи фаолиятини МЛСда давом эттиришни мўлжаллаб турибди. Тинч ва сокин биринчиликни забт этиш Педро учун қийинчилик туғдирмаслигини инобатга олсак, унинг фаолияти ҳали-бери ўз якунига етмаса керак.
Лука Модрич
Центабр ойида 34 ёшни қаршилаган ярим ҳимоячининг ҳам «қироллик клуби» билан тузган шартномаси ёзда якунига етади. Амалдаги «олтин тўп» эгасининг келажаги борасида ҳозирча ҳеч қандай маълумот бўлмасада турли миш-мишлар урчиб бормоқда.
Баъзилар уни Милан жамоаларидан бирига ўтишини таҳмин қилаётган бўлса, айримлар МЛСда фаолиятини давом эттиришига шуҳа қилишмаяпди. Модрич эса, иложи борича Мадридда узоқроқ ушланиб қолишни истамоқда.
Футболчининг агенти клуб билан музокараларга киришмаган бўлсада, ўз мижозининг Мадридда қолиши учун йиллик маошнинг камайишига ҳам қарши эмаслигини расман эълон қилди. Ҳозирча Модрич борасида саволлар жавобсиз қолмоқда. Воқеялар ривожини кузатишда давом этамиз.
