Ushbu mavsum so‘nggida top chempionatlarda to‘p suruvchi bir nechta futbolchilarning klub bilan tuzgan shartnomasi o‘z yakuniga yetadi va ular qishki transfer chog‘ida boshqa klublar bilan muzokara o‘tkazish huquqiga ega bo‘lishadi.
Dris Mertens
O‘zining «Napoli» klubidagi o‘yinlari bilan barchaga yaxshi tanish bo‘lgan belgiyalik hujumchining shartnomasi o‘z yakuniga yetib qoldi. To‘g‘ri, u hozirda 32 yoshda biroq, uning tezligi sira kamaymagan va u hali hamon foydali futbolchilar qatoriga kiradi.
Hozirda futbolchining agenti va klub o‘rtasida muzokaralar olib borilmoqda. Mertensning o‘zi klub tomonidan muoliyaviy qulay 3 yillik shartnoma talab qilmoqda. «Napoli» esa, o‘z futbolchisini bepul qo‘ldan chiqarib yubormaslik uchun ham uning shartlariga ko‘nsa, ajab emas.
Edinson Kavani
PSJ jamoasidagi uzoq yillik faoliyati davomida doimmo soyada qolib ketgani bilangina yodimizda qolgan hujumchining ham shartnomasi o‘z yakuniga yetishga yaqin turibdi.
Darhaqiqat, Parij klubi urugvaylik hujumchi bilan ko‘plab yutuqlarga erishgan bo‘lsada, top darajaga chiqa olmadi. PSJ jamoasi tarixidagi eng ko‘p gol kiritgan hujumchi fevral oyida 33 yoshga qadam qo‘yadi. Uning faoliyati qay ko‘rinishda davom etishi katta jumboq bo‘lib turibdi. Fransiya nashrlari uni klub bilan 2 yillik shartnoma tuzishi haqida ma’lumot tarqatayotgan bo‘lsa, qolgan nashrlar Kavanini MLS jamoalaridan biri safiga borib qo‘shilishini tahmin qilmoqda. Voqeyalar rivojini kuzatamiz.
Kristian Eriksen
«Tottenhem» Eriksen uchun o‘tib bo‘lingan bekatga aylandi desak, adashmagan bo‘lamiz. Daniyalik futbolchi qishda jamoani tark etishga jiddiy qaror qilgan va o‘z qarorini o‘zgarmoqchi emas.
O‘tgan mavsumdagi «Tottenhem»ning asosiy ijrochisiga aylangan futbolchi o‘z omadini boshqa klubda sinab ko‘rishni maqsad qilmoqda va klub bilan shartnoma tuzishdan bosh tortdi. Klub Eriksonni o‘z tarixidagi eng katta maosh oluvchi futbolchiga aylantirishni istayotgan bo‘lsada, futbolchi Londonda qolishni ismadi. Katta ehtimol bilan qishda uni Madrid jamoasida ko‘rishimiz mumkin. Atigi 6 oy shartnomasi qolgan futbolchi uchun «Tottenhem» xo‘jayinlari qanchalar ziqna bo‘lishmasin katta summa so‘ray olishmaydi. Shu sababli, Eriksen qishki transfer oynasi chog‘ida albatta boshqa jamoa safiga borib qo‘shiladi.
Pedro
Londonning «Chelsi» klubida javlon urayotgan ispaniyalik futbolchining ham APLdagi sarguzashtlari o‘z yakuniga yetib qolgan ko‘rinadi. «Barsa» tarbiyalanuvchisi ushbu klub safida chakki mavsumlarni o‘tkazmadi. Sovrinlarni yutishga muvaffaq bo‘ldi va katta ehtimol bilan yozda o‘z yurtiga qaytadi.
Hozirda uning agenti bilan Ispaniyanin bir nechta o‘rtamiyona jamoalari qiziqish bildirishgan bo‘lsada, futbolchining o‘zi faoliyatini MLSda davom ettirishni mo‘ljallab turibdi. Tinch va sokin birinchilikni zabt etish Pedro uchun qiyinchilik tug‘dirmasligini inobatga olsak, uning faoliyati hali-beri o‘z yakuniga yetmasa kerak.
Luka Modrich
Sentabr oyida 34 yoshni qarshilagan yarim himoyachining ham «qirollik klubi» bilan tuzgan shartnomasi yozda yakuniga yetadi. Amaldagi «oltin to‘p» egasining kelajagi borasida hozircha hech qanday ma’lumot bo‘lmasada turli mish-mishlar urchib bormoqda.
Ba’zilar uni Milan jamoalaridan biriga o‘tishini tahmin qilayotgan bo‘lsa, ayrimlar MLSda faoliyatini davom ettirishiga shuha qilishmayapdi. Modrich esa, iloji boricha Madridda uzoqroq ushlanib qolishni istamoqda.
Futbolchining agenti klub bilan muzokaralarga kirishmagan bo‘lsada, o‘z mijozining Madridda qolishi uchun yillik maoshning kamayishiga ham qarshi emasligini rasman e’lon qildi. Hozircha Modrich borasida savollar javobsiz qolmoqda. Voqeyalar rivojini kuzatishda davom etamiz.
