«Монако» клуби собиқ бош мураббийи Тьерри Анри Канаданинг «Монреаль Импакт» клуби бош мураббийи этиб тайинланди.
42 ёшли франциялик мутахассис MLS'да иштирок этадиган бу жамоа билан 2 йиллик шартнома имзолади. Шартномада келишув яна 1 йилга узайтирилиши мумкинлиги белгилаб қўйилган.
Анрининг сўнгги иш жойи «Монако» бўлган эди. У бу жамоани 2018 йилнинг октябрь ойидан 2019 йилнинг январига қадар бошқарган эди. «Монако» Анри қўлостида 20та ўйин ўтказиб, 4та ғалаба, 5та дуранг ва 11та мағлубият қайд этди.
«Монреаль» эса MLS'нинг якунланган мавсумида Шарқий конференцияда 9-ўринни эгаллаб, плей-офф босқичи йўлланмасини қўлга кирита олмади.