«Ростов» ҳужумчиси Элдор Шомуродов Матч ТВ мухбирига берган интервьюсида турли мавзудаги саволларга жавоб берди.

— Биламизки, Ўзбекистонда ўқувчилар пахта теришга чиқишади. Сиз ҳам шундай қилганмисиз?
– Ҳозир ўқувчилар пахта термайди, лекин мен терганман.

— Қийинми?
– Болаликда буни ўйин сифатида қабул қилардик. Қанча терганимни эслай олмайман, аммо қанча кўп терсак, шунча яхши эди.

— Терилган пахталар қопда ўлчанармиди?
– Килолаб ўлчанарди. Пахта толалари енгил, қанча кўп терсанг ҳам кўп тош босмайди. Оғирроқ бўлиши учун терган пахтамизнинг тагига хўл пахталарни жойлар эдик.

— «Ростов»да бериладиган таомлар таркибида чўчқа гўшти борлигини қандай биласиз?
— Баъзида ўзим сўрайман, баъзида ошпазларнинг ўзлари айтишади. Бунга жиддий қарайман, чўчқа гўшти емайман.

— Рўза тутасизми?
— Ҳозирча буни уддалай олмаяпман. Кун давомида сув ичмасдан, айниқса иссиқда шуғулланиш қийин.