«Rostov» hujumchisi Eldor Shomurodov Match TV muxbiriga bergan intervyusida turli mavzudagi savollarga javob berdi.

— Bilamizki, O‘zbekistonda o‘quvchilar paxta terishga chiqishadi. Siz ham shunday qilganmisiz?
– Hozir o‘quvchilar paxta termaydi, lekin men terganman.

— Qiyinmi?
– Bolalikda buni o‘yin sifatida qabul qilardik. Qancha terganimni eslay olmayman, ammo qancha ko‘p tersak, shuncha yaxshi edi.

— Terilgan paxtalar qopda o‘lchanarmidi?
– Kilolab o‘lchanardi. Paxta tolalari yengil, qancha ko‘p tersang ham ko‘p tosh bosmaydi. Og‘irroq bo‘lishi uchun tergan paxtamizning tagiga xo‘l paxtalarni joylar edik.

— «Rostov»da beriladigan taomlar tarkibida cho‘chqa go‘shti borligini qanday bilasiz?
— Ba’zida o‘zim so‘rayman, ba’zida oshpazlarning o‘zlari aytishadi. Bunga jiddiy qarayman, cho‘chqa go‘shti yemayman.

— Ro‘za tutasizmi?
— Hozircha buni uddalay olmayapman. Kun davomida suv ichmasdan, ayniqsa issiqda shug‘ullanish qiyin.