«Барселона» ҳужумчиси Лионель Месси «Ювентус» форварди Криштиану Роналду билан «Олтин тўп» борасидаги рақобат ҳақида ўз фикрларини билдириб ўтди.

«Бир томондан ўзимни бешта "Олтин тўп"ни қўлга киритиши мумкин бўлган ягона футболчи сифатида баҳолагандим. Криштиану мен билан тенглашиб олганида, тан олишим керак, бироз хафа бўлгандим. Мен энди юқори чўққида эмасдим. Аммо бу мантиқий ҳолат эди. Шуни таъкидлашим керакки, якка пешқадам бўлганингда бу ёқимли ҳолат.

Мен футбол тарихидаги энг яхши ўйинчиманми? Очиғини айтсам, бирор нарса дейиш қийин. Бошқа даврларда ажойиб ўйинчилар бўлган, уларни замонавий футболчилар — Криштиану, Неймар, Мбаппе билан таққослаш қийин. Ҳар бир инсоннинг ўз фикри бор.

Тўғрисини айтсам, мен футбол тарихидаги энг яхши ўйинчиманми, буни билмайман. «Олтин тўп»ни олти марта қўлга киритиш менга насиб қилди. Бундан хурсандман", – деди Месси "France Football" нашрига берган интервьюсида.