«Барселона» президенти Жозеп Бартомеу жамоа ушбу мавсумда ўз олдига қандай мақсадлар қўяётгани ҳақида фикр билдирди.
«Биз ҳамиша ўз олдимизга чемпионатда ғолиб чиқишни мақсад қилиб қўямиз. Ҳар мавсумда асосий эътиборни ушбу мусобақага қаратамиз. Сўнгги йилларда эса фақатгина чемпионатдаги ғолиблик етарли бўлмаслигига ўрганиб қолдик. Шунга қарамай, бу биз учун ўта муҳим турнир.
Европа чемпионлар лигаси — «Барселона» учун жиддий синов, биз бу мусобақага жиддий ёндашамиз.
Мақсадимиз — барча совринларни қўлга киритиб, "секстет"га (бир йилда 6та соврин) эришмоқчимиз. Биз бу ишни бир марта — 10 йилда уддалаганмиз», – деди Бартомеу.
«Барса» 2009 йилда Пеп Гвардиола бошқаруси остида ўз иштирок этган барча 6та мусобақада — Ла лига, Испания кубоги, Испания суперкубоги, Европа ччемпионлар лигаси, УЕФА суперкубоги ва клублар ўртасидаги жаҳон чемпионатида ғолиб чиққан.