Лондоннинг «Арсенал» клуби вақтинча бош мураббийи Фредди Юнгберг «Вест Хэм» (3:1) клуби устидан қозонилган ғалаба ҳақидаги фикрлари билан ўртоқлашди.
- Ушбу ғалаба футболчилар учун жуда кўп нарсани англатади. Футболчилар учун жуда хурсандман. Сўнгги икки ҳафтада футболчилар жуда катта босим остида яшашди ва бу ўйинларимиз орқали кўринди. Улар ўзларига ишонишлари керак эди. Биринчи бўлимда яхши ўйин намойиш эта олмадик. Лекин иккинчи бўлимда рақибимиз чарчаганини сездим ва бизнинг ҳар бир пасларимиз аниқ кўриниш олди.Жуда ажойиб ўйин намойиш этдик. Рақибни бошини айлантирганимизни кўришингиз мумкин. Энди кийиниш хонасида енгил нафас оляпмиз. Бугунги ўйинимиз ёқди ва эртанги ўйинларда ҳам шундай ўйин намойиш этишга ҳаракат қиламиз. Ғалаба қозониш доим ёқимли бўлган. Аммо, биз энди хотиржамликка берилмаслигимиз керак, — деди Юнгберг Sky Sports телеканалига берган интервьюсида.