Шанба куни Каталониянинг «Барселона» клуби «Хетафе» меҳмони бўлиб, мадридликлар дарвозасига иккита гол урди ва ғалабани қўлга киритди. Бу билан «Барса» ушбу рақибга қарши сафардаги ғалабасиз сериясига чек қўйди — жамоа кетма-кет бешта ўйиндан бери «Хетафе» майдонида ғалаба қозона олмаётган эди.
Бу «Барселона»нинг Испания чемпионати тарихида «Хетафе»га қарши сафар ўйинларидаги энг узоқ давом этган муваффақиятсиз серияси бўлди. Охирги марта 2019 йил 28 сентябрда «Барса» худди шундай 2:0 ҳисобида зафар қучган эди.
Шундан сўнг жамоалар 2020 йил 17 октябрда яна тўқнаш келишди ва «Хетафе» 1:0 ҳисобида ғолиб чиқди. Кейинчалик учта голсиз дуранг (0:0) қайд этилди: 2022 йил 15 май, 2023 йил 16 апрель ва 2023 йил 13 август кунлари. Ниҳоят, ўтган йилнинг (2025 йил) январь ойида клублар 1:1 ҳисобидаги дурангга имзо чекишганди.
