Лондоннинг "Челси" клуби ҳимоячиси Курт Зума ЕЧЛ доирасида "Лилль" клубига қарши бўлиб ўтадиган учрашув ҳақидаги фикрлари билан ўртоқлашди.
"Бугунги учрашув биз учун финалга тенг. Биз бунгача яхши ўйин намойиш этдик, "Аякс" клуби билан сафарда ажойиб ўйин ўтказдик. Уйдаги учрашув эса унутилмас бўлди. Ҳар бир учрашувда босим бўлди. Ғалаба қозонган тақдиримизда кейинги босқичга чиқишимизни билиб турибмиз. Лэмпард бизда кўпроқ маъсулиялироқ бўлишимизни талаб қилмоқда. Биз бунга қодир эканлигимизни у яхши билади. Лэмпард мағлуб бўлишни ёмон кўради. У бизга кучлироқ бўлишимни айтадиган мураббий. Шу билан бирга у хотиржам футболни яхши кўради. Бугунги ўйинда унинг кўрсатмаларини тўғри бажаришимиз шарт", - деди УЕФА расмий сайтига берган интервьюсида.