Россиянинг «Ростов» клуби бош мураббийи Валерий Карпин Россия футболи ҳакамлари ҳақида фикр билдирди.
«Агар ҳакамлар ҳақида гапиришни бошласам, мени футболдан бутун умрга четлатишади. Эҳтимол, мен Гинер ҳам ёмонроқ танқид қилган бўлардим. Шу боис мен бу ҳақда гапирмайман ва гапиришни ҳам хоҳламайман.
Гинер Егоров шундай ҳакамлик қилишлари учун пул олади дедими? Пул ҳақида мен тасдиқламайман ҳам, рад ҳам этмайман. Шу боим бу ҳақда ҳеч нарса дея олмайман. Чунки менда исбот йўқ.
2008 йили Россияга қайтган бўлсам, ўша пайтдан шу пайтгача бундай нарса бўлмаган эди. Ҳозир ҳар бир турда жуда кўплаб клублар ҳакамларнинг ҳаракатларидан норози бўлишмоқда.
Россиядаги VAR ҳаммани ҳайратлантирмоқда. Чунки, шундай қилишдики, ҳакамлар нима хоҳлашса, VAR шуни тасдиқлаб берадиган қилиш яратишди. Авваллари ҳакамларга эътироз билдира олардинг, ҳозир эса улар «Мен VARда кўрдим!» деб бақиришмоқда — деди Карпин «Матч Премьер» телеканалига берган интервьюсида.