Ҳадемай узоқ кутилган қишки трансферлар ойнаси очилади. Гранд жамоалар бир ой давомида ўз сафларини кучли футболчилар билан тўлдириб олишни режалаштирмоқда. Бугун эътиборингизга қишда амалга ошиши кутилаётган жиддий трансферлар борасидаги янгиликларни тақдим этамиз.
Лаутаро Мартинес
“Интер” жамоасидаги ўйинлари билан мухлислар тилига тушган ҳужумчининг совчилари тобора кўпайиб бормоқда. Улар орасидаги “Барселона”ни алоҳида қайд этиб ўтиш лозим. Католония клуби Луис Суареснинг ўрнини эгаллаши кутилайотган ҳужумчи борасидаги илк музокарларни ўтказишга ҳам улгурди. Икки клуб вакилларо ўртасида Миланда бўлиб ўтган суҳбат “Барселона” учун омадсиз кечди. “Кўк-қоралар” раҳбарлари ўз ҳужумчилари учун 100 миллион атрофида пул ишлаб олишни мақсад қилишганини эълон қилишгани боис, Католония клуби ҳужумчининг трансферидан воз кечгани борасида маълумотлар пайдо бўлди. Шунга қарамай, замонавий футболда кучли ҳужумчиларнинг нарҳи қай даражада ўсиб кетганини унутмаслик лозим. Энг муҳими Мартинеснинг ўзи Католонияга кўчиб ўтишни истамоқда. Бундан ташқари, унинг аргентиналик эканлигини Месси билан тезда чиқиб кетиши учун кафолат бўлиши турган гап. “Sky Sport” нашри берган хабарларга қараганда, Католония клуби “Интер” ҳужумчиси борасида тез орада иккинчи таклифни юборади ва трансфер суммасини камайтириш учун Иван Ракитични ҳам қўшиб беришни режалаштирмоқда.
Киллан Мбаппе
“L’E Quipe” нашри берган маълумотларга қараганда, ПСЖ ҳужумчиси Киллиан Мбаппе жамоа билан янги шартнома тузишдан бош тортмоқда. “Реал Мадрид” эса, ҳужумчи учун йилига 26 миллион евро маош кўрсатилган 5 йиллик шартнома таклиф этишга тайёрлигини билдирган. Нашр тарқатаётган хабарларга қараганда, Киллиан ўзининг заҳирага олинаётганидан норози ва клубда Неймар сингари имкониятларга эга бўлишни истамоқда. ПСЖ Мбаппени ушлаб қолиши катта савол остида тургани боис, унинг ўрнини босувчи бошқа футболчи излашга тушиб кетган…
Неймар
Таниқли “France Football” нашри тарқатган хабарларга қараганда Париж жамоаси ўз суперюлдузини 180 миллион евро эвазига қўйиб юборишга тайёр. Жамоа раҳбарларининг Неймардан кўнгли тўлмаётгани учун эмас, унинг ўрнини бошқа футболчи эгаллашини исташаётгани бунга сабаб бўлмоқда. Таниқли манбанинг маълумотларига суянадиган бўлсак, клуб Неймарнинг трансферидан тушган пуллар эвазига “Ливерпуль” ҳужумчиси Садио Манени ўз сафига қўшиб олишни истамоқда. Тўғри, айни дамда бу трансфер амалга ошиши жуда мушкул. “Ливерпул” иккита фронтда бирдек ишончли ўйин намойиш этиб келмоқда ва катта эҳтимол билан АПЛ чемпионлигини қўлга киритади. Ўз олдига катта мақсадларни қўйган клуб эса, натижа бераётган футболчисини сотиб юборишга ишониш қийин. Шундай бўлсада, бу футбол ва араб шейхларинин катта пуллари ва фантастик шартнома барчасини ўзгартириб юбориши ҳеч гап эмас.
Кристиан Eриксон
Даниялик футболчи катта эҳтимол билан ўз фаолиятини Париж клубида давом эттирадиган кўринад. “Footmercato” нашри тарқатган хабарларга қараганда, унинг ҳизматлари билан шахсан клуб спорт директори Леанардо қизиқиб қолган.
Футболчининг ўзи Париж клубида тўп суришга қарши эмас. Парижликлар Эриксон учун йилига 15 миллион евро маош белгиланган 3 йиллик шартнома таклиф қилишмоқда. Манба берган маълумотларга қараганда, Леанардо ва Эриксоннинг агенти телефон орқали суҳбатлашишган ва тез орада Париж шаҳрида музокараларга старт берилади. “Тоттенҳем” Кристианнинг шартномаси тугашига оз фурсат қолган бўлсада, 50 миллион евордан камига кўнмаслиги аниқ. Шундай бўлсада, франсузлар ярим ҳимоячи учун 35 миллион евро таклиф қилишмоқчи.
Ведат Мурики
Айни дамда Туркия чемпионатида “тўполон” қилаётган косовалик футболчи билан шахсан Жозе Моурино қизиқиб қолди. 25 ёшлик ҳужумчининг трансфери “Тоттенҳем” учун жуда муҳим. Португалиялик мутахассис Мурикини ҳарид қилиш орқали Ҳарри Кейн учун кўпроқ дам олиш имкониятини яратиб бермоқчи. Туркия чемпионатининг 13 та турида майдонга тушган Ведат 9 гол киритибгина қолмай, ўз ҳисобига 3 та ассистни ҳам қўшиб қўйишга улгурди. Маълумотларга қараганда, ҳужумчининг трансфери “Тоттенҳем” учун 18 миллион еврога тушади. “Шпорлар” скаутлари Мурикининг ўйинини стадиондан кузатишга улгуришганига қараганда, трансфер қишда амалга ошадиган кўринади.
