Мадриднинг "Реал" клуби бош мураббийи Зинедин Зидан клубдаги келажаги ҳақида фикр билдирди.
“Мен дунёнинг энг яхши клубини бошқаряпман. Бу эса мени ҳар куни бахтли қилишга мажбур этмоқда. Қачонгача мураббийлик қилишимни билмайман. Ҳаммаси нимани ҳис қилишимга, ичимда нималар бўлишига боғлиқ.
Балки, мен ноодатий мураббийдирман. Мени кундан кун ривожланиб бориш қизиқтиради, бироқ 60 ёки 70 ёшгача мураббийлик қилиш ниятида эмаслигим аниқ. Зидан-мураббий, менинг ўйлашим бўйича Зидан-футболчидан фарқ қилади. Ҳатто менга футбол жуда ёқса ҳам”, -дейди мураббий.
