Лионель Месси футболчи тез-тез интервью беришни хуш кўрмаслигидан хабарингиз бор. Шу сабабли, унинг фикр ва мулоҳазалари кўплаб футбол мухлис ва мутахассисларига қизиқ десак, адашмаган бўламиз. Бугун аргентиналик футболчи томонидан берилган энг сўнгги интервюни эътиборингизга ҳавола этамиз.
"Мен Самуэлнинг айтган сўзларини яхши эслайман. Ўшанда у менга “сен гол киритадиган кунлар ҳали олдинда. Сабаби, ҳозир сенда жуда кўп имкониятлар мавжуд, лекин сен уларнинг барчасидан фойдаланмаяпсан”, деган эди. Бир кун келиб унинг айтганлари амалга ошди. Мен ўз имкониятларимни амалга оширишни бошладим.
Ҳар сафар майдонга чиқар эканман, гол киритиш ҳақида жуда кам ўйлайман. Асосан ўйин ҳақида бош қотираман.
Испания чемпионати тарихидаги энг яхши тўпурар бўлиш мусобақанинг савиясини инобатга олсак, бу ўзгача ютуқ. Очиғини айтсам, бу мен ўрнатган энг эътиборга молик рекорд.
Мен рақиб дарвозабонларни ўрганаман. Айниқса, жарима зарбалари чоғида ўзларини қандай тутушлари билан қизиқаман. Улар зарба чоғида ҳаракат қилишадими ёки ўз позицияларида қолишадими деган саволга жавоб олиш учун ҳам уларни кузатаман. Шунингдек, зарбага қандай реакция билдиришлари ва жонли деворни қандай ўрнатишлари ҳам мен учун қизиқ. Бунинг барчаси ҳақиқат. Энг муҳими эса, машғулотларда қаттиқ меҳнат қилиш. Мен айнан машғулотлар сабабли кучлироқ бўлиб боряпман".
