Ўзининг 21 ёшида дунёнинг энг қиммат футболчилар қаторидан муқим ўрин эгалаган Мбаппега бўлган эътибор тобора ортиб бормоқда. Бугун Киллиан ҳақидаги энг қизиқарли маълумотлар билан ўртоқлашиб ўтамиз.
“Челси” уни қўлдан чиқарган
Айни дамда Франция чемпионатида ёрқин ўйин кўрсатаётган ҳужумчининг фаолияти АПЛда бошлаши мумкин эди. Ёш футболчининг ўйинларини томоша қилган “Челси” клуби скаутларидан бирни Киллианнинг онаси билан учрашади ва уни Лондонга чорлайди. “Челси” академияси мутахассислари кўз олдида машғулот ўтаган футболчи барчани ўзига қарата олади, бироқ негадир томонлар Мбаппени қайта кўрикдан ўтишини илтимос қилишади, бироқ Файза Амарининг бундан жахли чиқиб кетади ва “Челси” академияси мураббийларига : “Менинг ўглим билан шартнома тузсангиз тузинг. Акс холда, 5 йилдан сўнг уни 50 миллион евро эвазига харид қилишга мажбур бўласиз деб туриб олади. Келиб чиқиши жазоирлик бўлган аёлнинг сўзлари клуб мураббийларига манзур келмайди ва Киллан яна уя қайтиб кетади. Очиғи, унинг онаси айтган сўзларнинг барчаси тўғри бўлиб чиққанига қойил қолмасликнинг иложи йўқ. Айни дамда Мбаппени қўлга киритишни истаган клуб бир эмас, 3 та 50 миллион евродан воз кечиши талаб этилади.
“Клеарфонтен” академияси
Нафақат Франция балки бутун Европада ном қозонган академиялардан бири ҳисобланувчи “Клеарфонтен” мана неча йиллардан бери кўплаб ёш футболчиларнинг орзуси бўлиб келмоқда. Ҳар йили ушбу академияга 23 мингга яқин бола имтохон топширади. Улардан бир неча юзтасигина ўқишга қабул қилинади холос. Мбаппега аа шундай омад насиб этган бўлиб, унинг ҳозирги спорт формасига етишишида академиянинг тутган ўрни беқиёс. Акадимага қабул қилишнинг бир нечта шартлари мавжуд бўлгани боис, Мбаппенининг дадаси уни бир неча юз километрлик масофани босиб ўтиб имтиҳонларга олиб боришдан чарчамайди. Жуда ҳам қаттиқ қўл режимда фаолият олиб борувчи “Клеарфонтен”ни ўз вақтида Тиери Анри, Клод Макалеле, Галлас, Анелка сингари кўплаб машхур футболчиларни етжазиб берган. Бундан ташқари, академиядаги ёш футболчиларни кузатиш учун Европанинг турли клубларидан скаутлар тинимсиз ташриф буюришади. Катталиги бўйича дунёнинг кучли 10 та академиясидан бири ҳисобланувчи “Клеарфонтен” ҳозирги кунга қадар муваффақиятли фаолият кўрсатиб келмоқда.
Зидан ундан бош тортган
“Клеарфонтен”даги сўнгги ойларини ўтказаётган Мбаппени ота-онаси Мадрид шахрига дам олгани олиб кетишади. Футболчининг отаси Вилфред ўз ўглини “Реал Мадрид” академияси сари олиб боради. Энг қизиғи шундаки, Мбаппенинг ёшидаги футболчиларга Зайниддин Зидан мураббийлик қилаётган эди. Футболчини кўрикдан ўтказишдан бош тортган Зизу унга шунчаки майдонда ўзини синаб кўриш имконини яратиб беради. Қандайдир бир неча дақиқиалар ичида бир ҳимоячиларни алдаб ўтган Мбаппега эътибор бермаган мураббий Киллианнинг ота-онасига илиқ сўзлар айтганча улар билан хайрлашади. Ўша воқеа ҳақида Мбаппе ўзининг интервьюларидан бирида шундай деган эди: "Онам Мадриддан уйга қадар сени келажакда миллионлар эвазига ҳам харид қила олишмайди деб борган эдилар”,- деб хотирлайди. Энг қизиғИ шундаки, айни дамда “қироллик клуби”нинг асосий трансфер мақсад айнан Киллиан бўлиб турибди.
Маошини қаерга сарф этади?!
Бошқа юлдузлардан фарқли ўлароқ, Киллианнинг барча муолиявий ишлари билан унинг дадаси Вилфред шуғулланиб келмоқда. Футболчи ўз ҳаражатлари учун ҳам доиммо дадасидан пул сўрашга мажбур бўлади. Қанчалар ғалати туюлмасин, Киллианнинг ўзи бундай ҳаёт тарзидан мамнун эканлигини кўп бор таъкидлайди. Дарҳақиқат, футболчининг отаси шу йўсинда ўғлининг иқтидори эрта ҳазон бўлмаслигини таъминламоқчи бўлган бўлса, ажаб эмас. Шу ўринда Мбаппенинг дадасининг ишбилармонлиги ҳақида тўхталиб ўтсак. Қаҳрамонимиз Мбаппе “Монако”да тўп суриб юрган чоғларидаёқ клублар билан алоқага чиқишни бошлаган. “Монако” ва футболчи ўртасидаги шартнома тугаши арафасида эса, ўғлининг маошини 16 баробар кўтариб беришларини талаб қилади. “Монако” Вилфреднинг сўзларига кўнишдан бошқа чора топа олмай қолади. Кўп ўтмай дунёнинг энг бадавлат клубларидан бирига ўтиб кетган ҳужумчининг дадаси ҳали-ҳамон ундаги муолиявий чекловларни олиб ташламагани эътиборга молик.
Спортчилар оиласи
Киллиандаги фантастик cжисмоний имкониятлар бежиз эмас. Қаҳрамонимиз чинакам спортчилар оиласида таввалуд топган. Унинг онаси Жазоир қўл тўпи терма жамоасининг сардори бўлган бўлса, отаси узоқ йиллар давомида “Бонди” болалар футбол жамоасида мураббийлик қилган. Футболчининг укаси Эттан Мбаппе ҳам шу кунларда Парижнинг ПСЖ жамоаси академиясида таҳсил олиб келмоқда. Энг қизиғи шундаки, футболчи голни нишонлаш услубини айнан укасидан “оғирлаган” экан.
“Биз у билан “Play station” тез-тез ўйнаб турамиз. У гол киритса, доиммо шундай нишонлар эди. ПСЖга ўтгач, мен ҳам укам сингари гол нишонлашни бошладим. Бу учун ундан минаддорман”,-деган эди футболчи ўзининг “AS” нашрига берган интервьюсида.
