Италия чемпионатининг 18-тури доирасида «Брешия» ўз майдонида «Лацио»ни қабул қилиб, аламли мағлубиятга учради.

Баҳснинг 18-дақиқасида Марио Балотелли мезбонларни ҳисобда олдинга олиб чиқди. Учрашувнинг 39-дақиқасида эса "Брешия" ҳимоячиси Чистана иккинчи сариқ карточкани олиб, майдондан четлатилди. Белгиланган пенальтини эса Иммобиле аниқ амалга ошириб, ҳисобни тенглаштирди.

Брешияликлар бир киши кам бўлиб ўйнаганига қарамай, ўйин охирига қадар дурангни ушлаб туришди. Аммо қўшиб берилган дақиқаларда Чиро Иммобиле рақиб дарвозасини ишғол қилиб, "Лацио"га ғалаба келтирган гол муаллифига айланди.

Ушбу ғалабадан кейин римликлар ўз очколарини 39тага етказиб, пешқадамлар билан орадаги фарқни 3тагача қисқартиришди.

Италия чемпионати, 18-тур
Брешия – Лацио 1:2 (1:1, 0:1)
Голлар: 1:0 – 18 Балотелли, 1:1 – 42, пенальти Иммобиле, 1:2 – 90+1 Иммобиле.
Брешия – Йоронен, Матею, Сабелли, Чансельор, Чистана, Бизоли, Шпалек (Вивиани, 46), Тонали (Семприни, 81), Ромуло, Торрегросса (Мангравити, 42), Балотелли.
Лацио – Стракоша, Раду (Хони Родригес, 59), Ачерби, Луис Фелипе, Лаццари, Пароло (Катальди, 59), Лулич (Андерсон, 77), Милинкович-Савич, Корреа, Кайседо, Иммобиле.
Огоҳлантиришлар: Чистана (35), Тонали (43), Балотелли (47), Раду (56), Пароло (57), Бизоли (57), Хони Родригес (65), Катальди (72), Чансельор (86).
Четлатиш: Чистана (39).