Ҳуқуқий жиҳатдан Италиянинг “Интер” клубига тегишли, айни пайтда Франциянинг «ПСЖ» клубида тўп сураётган Мауро Икарди келажакдаги режалари билан ўртоқлашди.
«Ўзимни Парижда яхши ҳис қиляпман. Ҳозирча клуб билан ҳеч нима ҳақида музокара ўтказмадик. Мавсум якунланишига яна тўрт ой бор. Май ойида яна музокара столига ўтирамиз. Бу жамоада қолсам хурсанд бўлар эдим.
«ПСЖ»да ҳаммаси яхши. Мавсумнинг биринчи қисмини ажойиб тарзда ўтказдик. Танаффусда янада кучайишимиз керак. Жамоа мавсумни ажойиб тарзда бошлади. Олиб бораётган ишимиздан қониқяпман», - Икардининг сўзларидан иқтибос келтирмоқда Goal портали.