Янги мавсумга Дубайда тайёргарлик олиб бораётган Тошкентнинг "Локомотив" жамоаси бугун мазкур йиғин доирасида ўзининг илк назорат ўйинини ўтказди.

"Темирйўлчилар" Шотландиянинг кўп карра чемпиони, Стивен Жеррард бошқарувидаги "Рейнжерс" клубига қарши баҳс олиб боришди ва 1:6 ҳисобида рақибга имкониятни бой беришди, "Локомотив" таркибидаги ягона голга жамоанинг янги аъзоси  Абдул Азиз Юсупов муаллифлик қилди.

Андрей Фёдоров шогирдлари ўзларининг навбатдаги назорат учрашувини 14-январ куни Хитойнинг "Цзянсу Сунин" жамоасига қарши ўтказади.

Эслатиб ўтамиз, тошкентликлар ОЧЛ саралаш босқичи доирасида 21-январ куни Тожикистоннинг "Истиқлол" клубини меҳмон қилишади.

Назорат ўйини
"Локомотив" (Ўзбекистон) - "Рейнжерс" (Шотландия) - 1:6
Гол: Абдул  Азиз Юсупов, 77
"Локомотив": Нестеров, Зотеев, Кавроши, Иброҳимов, Ҳошимов (Алижонов,  75), Махарадзе (Жумабоев, 75), Искандеров (Саидазимов 73), Туропов, Мирзаев (Ўлмасалиев, 68), Бикмаев (Эргашев, 71), Погребняк (Юсупов,  60).