Англиянинг «Ливерпуль» клуби бош мураббийи Юрген Клопп АПЛ доирасида «Манчестер Юнайтед» клубига қарши бўлиб ўтадиган учрашувдан олдинги фикрларини билдириш жараёнида, «МЮ» ҳақида кескин фикр билдирди.

- Тўғрисини айтганда, қачонлардир «МЮ» аввалги мавқеига чиқади деб ўйламайман. Ҳозир кўплаб молиявий тарафдан бақувват клублар турли хил совринлар учун курашиш эҳтимоли юқори. Ҳозирги вақтда биз гувоҳ бўлиб турган ўзгаришлар «Ливерпуль» ва «Манчестер Юнайтед»ларни аввалгидек устун бўлиши мумкин эмаслигини англатади. Менинг «Ливерпул»им билан Фергюсоннинг “МЮ”сини таққослаш? Мен бундай нарсаларни ўқимайман. Менга фарқи йўқ. Мен 2011 йили Дортмунднинг “Боруссия” клуби билан худди шундай вазиятга эга бўлдим, биз жуда яхши эдик ва газеталарда ёзиладиган барча мақолалар ижобий эди. Мен деярли сувни устида юра олардим. Қандай таққослашлар муҳокама қилинмасин, мен фаолиятим якунланганидан кейингина бу ҳақда ўйлайман. Унгача бу нарса менга ва менинг йигитларимга таалууқли эмас. Биз бир нечта яхши қарорларни қабул қилдик ва шунинг учун яхши жамоага айландик. Бизнинг йигитларимиз кундан кунга ўсишга эришмоқда, шу сабабли, биз олдинга қадам ташлаяпмиз, — Клоппнинг сўзларидан иқтибос келтирмоқда Goal.com.