Таҳдидчилар 33 ёшли ҳакам Андреас Константинни автомашинасини портлатиб юборишган.

Futbol Arena нашрининг маълум қилишича, портловчи модда ҳакамнинг автомобилига ўрнатилган, лекин бахтли тасодиф туфайли машинани ичида ҳеч ким бўлмаган ва автомобилгина жабр кўрган.

Константин яқинда «Докса» - АЕЛ (2:2) жамоалари ўртасидаги учрашувни бошқарганди, учрашув якунига кўра, меҳмон жамоа вакиллари унга нисбатан эътироз билдиришган.

Шунингдек, у Кубок доирасида бўлиб ўтган «Айя-Напа» - «Пафос» жамоалари ўртасидаги учрашувда ҳам ҳакамлик қилган.Ўша учрашув ҳам келишилган деган тўҳтамга келинган.

Кипр Футбол Федерацияси ушбу таҳдиддан кейин чемпионатни вақтинчалик тўхтатиб туришга қарор қилган.

Аввалроқ, «Омония» клуби ФИФА ва УЕФАга Кипр футболи устидан норозилик руҳида хат юборганди. Клубдагилар маҳаллий футболчилар коррупцияга ботиб кетганлиги юзасидан шикоят қилишганди.