Осиё Чемпионлар Лигасининг гуруҳ босқичи 1-туридан ўрин олган «Пахтакор» – «Шабоб Ал-Ахли» жамоалари ўртасидаги ўйиндан сўнг (2:1) мезбонлар яримҳимоячиси Жалолиддин Машарипов ўз фикрларини билдириб ўтди.
"Ўтган йили Чемпионлар лигасида баъзи хатоларга йўл қўйгандик. Бу мавсум олдимизга гуруҳдан чиқиш вазифаси қўйилган. Шу сабабли уйдаги ўйинларда ғалаба қозонишимиз лозим. Бугун ёмғир туфайли жуда қийин бўлди.
Майдонда ҳақиқий жанг кечди дейишим мумкин. Йигитлар билан охиригача интилиб, муҳим ғалабани қўлга киритдик. Бизга руҳан катта куч берган ишқибозларга жамоа номидан раҳмат айтаман", -дейди футболчи.
