Osiyo Chempionlar Ligasining guruh bosqichi 1-turidan o‘rin olgan «Paxtakor» – «Shabob Al-Axli» jamoalari o‘rtasidagi o‘yindan so‘ng (2:1) mezbonlar yarimhimoyachisi Jaloliddin Masharipov o‘z fikrlarini bildirib o‘tdi.
"O‘tgan yili Chempionlar ligasida ba’zi xatolarga yo‘l qo‘ygandik. Bu mavsum oldimizga guruhdan chiqish vazifasi qo‘yilgan. Shu sababli uydagi o‘yinlarda g‘alaba qozonishimiz lozim. Bugun yomg‘ir tufayli juda qiyin bo‘ldi.
Maydonda haqiqiy jang kechdi deyishim mumkin. Yigitlar bilan oxirigacha intilib, muhim g‘alabani qo‘lga kiritdik. Bizga ruhan katta kuch bergan ishqibozlarga jamoa nomidan rahmat aytaman", -deydi futbolchi.
