"Пахтакор"нинг Осиё чемпионлар лигаси гуруҳ босқичи доирасидаги Эроннинг "Шаҳр Ходро" клубига қарши ўйинидан кейин матбуот анжумани ўтказилди. Унда Шота Арвеладзе ва Игор Сергеев иштирок этди.
“Мураббийнинг фикрларига қўшиламан. Қийин ўйин ўтказдик. Энг асосийси ғалабага эришдик, гол ўтказмадик бу ҳам яхши натижа. Афсуски учинчи голимни ҳисоблашмади, ўша вазиятда оффсайд йўқ эди. Балки кейинги ўйинда оффсайдан урсам ҳисоблашар. Бугун кўплаб мухлислар стадионга келишди. Ишқибозларга раҳмат айтаман. Улар бизга катта ёрдам беришди”, дейди футболчи.
Маълумот учун, мазкур баҳсда дублга эришган Сергеев ўйиннинг энг яхши футболчиси деб топилди.
