Италиянинг «Наполи» клуби собиқ футболчиси Марек Гамшик ЕЧЛ доирасида бўлиб ўтадиган “Наполи” ҳамда “Барселона” жамоалари ўртасида бўлиб ўтадиган учрашув ҳақидаги фикрлари билан ўртоқлашди.
«Жамоага Дженнаро Гаттузо келганидан кейин ўйинда ўсиш кузатилди. «Наполи»нинг ҳаракталарида янада иҳчамлик кузатилди ва бу ҳимояланиш учун ёрдам беради. Жамоа «Барселона»га етарлича қаршилик кўрсата олишини кузатамиз. Тўғрисини айтганда, ЕЧЛда ҳар қандай ҳодиса рўй бериши мумкин. Бу турнирда энг кучли рақибларни ҳам ютишга муваффақ бўлдик.
Месси дунёнинг энг яхши футболчиси эканлигини ҳамма билади, лекин бу «Барселона»дан қўрқишга сабаб бўла олмайди. Чунки, “Барселона” ҳимояда умидли ўйин намойиш эта олмайди», — деди Марек Гамшик
