Ҳимоячи Элсид Хисай "Наполи" билан янги шартнома имзолаши мумкин, деб хабар беради Il Mattino нашри.
Албаниялик футболчи жамоанинг асосий таркибида ўз ўрнини йўқотган эди, аммо Женнаро Гаттузонинг келиши билан у яна таркибга қайтди. Мураббий уни жамоа учун муҳим ўйинчи деб ҳисобламоқда ва энди 26 ёшли футболчи билан янги шартнома имзолаш таклифини кўриб чиқишга тайёр.
Xисайининг "Наполи" билан амалдаги шартномаси 2021-йилнинг июнигача амал қилади.
Маълумот ўрнида, ушбу мавсумда ҳимоячи "Наполи" сафида 15 та учрашув ўтказиб, 1 та голлик узатма амалга оширган.