Le10 Sport портали хабарига кўра "Марсель" ярим ҳимоячиси Флориан Товен "Валенсия" қизиқишлари доирасига тушиб қолди.
Испания клуби келаси ёзда таркибни кучайтиришни режалаштирмоқда ва франциялик футболчини сотиб олишни истамоқда. Ярим ҳимоячи клуб билан шартномани узайтиришни режалаштирмаяпти ва "Валенсия" бу вазиятдан фойдаланиб, уни ўзига жалб қилиш ниятида.
Маълумот ўрнида, жорий мавсумдаТовен соғлиғи туфайли "Марсель" сафида атиги 2 та учрашув ўтказган.