Кириш Регистрация

Хабарлар

Кўзойнак таққан “Питбул”

Баҳо:
+ | -

Stadion.uz Голландия футбол афсонаси Эдгар Давидсни туғулган куни билан муборакбод этади. Бугун футбол оламида ўз номини қолдиришга муваффақ бўлган Эдгарнинг энг сара иқтибосларини эътиборингизҳа ҳавола этади.

Футбол ҳақида

Мен футболни икки мақсад учун ўйнар эдим. Биринчиси футболдан лаззат олганим бўлса, иккинчиси  қанчалар кучли эканлигиммни барчага кўрсатиб қўйиш бўлган. Менга футболни энг юқори савияда намойиш қилиш бахти насиб этган, бироқ мен футболнинг барча жабҳаларини чуқур ҳурмат қиламан. Aгар мен футболчи бўлмаганимда ҳам дам олиш кунларимни футбол билан ўтказган бўлар эдим.

Кўча футболи ҳақида

Менинг кариерам кўча футболидан бошланган. Ўйлашимча мен футболдаги энг муҳим ва қадрли сабоқларни кўча футболидан олганман. Aгар сиз Жанубий Aмерикалик футболчиларга эътибор қаратсангиз, уларнинг ҳам катта қисми айнан кўча футболида суяги қотган йигитлар. Мендаги  “ижодкорлик”, тезкорлик ва чаққонлик учун кўча футболидан минаддор бўлишим керек. Бу сифатлар менга катта футболда қўл келди.

Оғриқ ҳақида

Кариерамнинг сўнгги йилида мен оғриқсиз тўп суриш қандай бўлишини ҳам унутиб қўйдим. Шунга қарамай, оғриқ мени футболдан маҳрум қила олмади.

Ўз ўйин услуби ҳақида

Ўйинларни ҳужумчилар ва “фантазиста”лар ютиб беради, бироқ ҳар бир жамоа жисмонан бақувват ва агрессив футболчига эга бўлиш керак. Бундай футболчилар рақибнинг ўйинини бузиб ташлаши ва жамоаси учун майдонда жанг қилиши керак. Менимча, бу ишни яхши уддалаганман.

Юдузлар ҳақида

Буюк иқтидор эгалари доимо ҳарактери оғир инсонлар бўлади. Шу сабабли бир том остига керагидар ортиқ юлдузлар йиғилса, жамоадаги эго кучайиб кетади. Бундай жамоани бошқариш жуда мушкул. Барча нарсада баланс бўлиши керак.

Ташқи кўриниши ҳақида

Мен ўз ташқи кўринишим билан қўшимча машхурликка эришганимни айтиб ўтишим лозим. Кўзойнак ва соч турмагим мени Давидс бўлиб танилишимдаги энг муҳим омиллар бўлди.

Устозлари ҳақида

Луи ван Гал ва Марчелло Липпи мен учун футболдаги ва шахсий ҳаётимдаги энг керакли ўгитларни берган мураббийлар саналади.

Мухлислар ҳақида

Бу қанчалар ғалати туюлмасин, футбол клублари мухлислар борлиги учунгина мавжуд. Футболчилар ҳам мухлислар сабабли яхши даромад олишади. Биз кимдан минаддор бўлишни яхши билишимиз керак!

Ҳаёт ҳақида

Ҳар куни сенга озор бергадиган нарсалар билан тўқнаш келишга тўғри келади. Фақат ақли инсонларгина бундай вазиятдан ўзи учун наф чиқара олади. Қийинчиликлар эса, у инсонни янада кучли шахсга айлантиради. Бунинг учун бироз вақт керак. Ёшинг ўтгани сари ўзинг учун нима яхшию нима ёмон эканлигини яхши англаб борасан.

Ҳақиқат ҳақида

Футболда энг муҳими бу – ҳақиқат! Ҳақиқат болаликдан бошланади. Бу  ҳужумчи бўлишни истасада, гол уришни эплай олмагани учун ҳимояга турган ёш футболчини эслатади. Aгар сабр қилмасанг, ва мураббийга ўз эътирозингни ошкор қилсанг, ҳақиқат ўз кучини йўқотади. Шунга қарамай, барчанинг ўз ҳақиқати бор.

Садоқат ҳақида

Футболда садоқат мавжуд эмас. Aслида у керак ҳам эмас. Ўртадаги ҳурматнинг ўзи барчасини ўрнини боса олади.

Чемпионлар Лигаси ҳақида

Бу меннинг севимли мусобақам. ЕЧЛ шу қадар мушкул мусобақа-ки, баъзан ўйинлар очиқчасига лотареяга айланиб кетади. Омад сизга кулиб боқса, мусобақада қоласиз, акс холда рақиблар олдинга қадам ташлашади.

Ирқчилик ҳақида

Доиммо самимий ва очиқкўнгиллик билан айтилган сўзлар ёқимли. Шунга қарамай, доиммо омма эътибор марказида турувчи инсонлар ҳар сўзларини ўйлаб олишлари керак. Aфсуски, бундай инсонлар орасида ирқчилари ҳам мавжуд. Мен ирқчиларни моллар тўдасига беркинган қўйга ўхшатаман. Шунга қарамай, барчада танқидий фикрлаш эркинлиги бор.

Катта ва кичик клубдаги иш

Ўйлашимча, катта клубда мураббийлик қилиш кичик клубда ишлашдан анча осонроқ. Сабаби, гранд жамоаларда мураббийнинг вазифасига клуб ишлари кирмайди. У бор эътиборини машъулотларга ва ўйинга қаратиши мумкин. Мисол учун  Рейкард Роттердамнинг “Спарта” жамоаси бошига кулфат сингари келган бўлса, “Барселона”да барча мусобақаларда ғолиб чиқди.

Футбол ва шахмат

Бу ўйинларнинг катта фарқи йўқ. Футболда ҳам шахматда ҳам тезроқ ўйнаган ва хато қилмаганлар ғолиб чиқади.

Роналду ёки Месси?

Месси – чинакам феномен! У финт ишлатишга, узатма амалгам оширишга ва гол киритишга қодир. Бундан ташқари, Лео ўйинни жуда яхши ўқий олади. Роналду эса шунчаки атлет. У ўз ўйини устида жуда кўп ишлашига тўғри келаган. Энди ўринли савол. Машғулотлар ортидан Мессига ўхшашнинг иложи борми? Aлбатта йўқ, лекин машғулотлар ортидан иккинчи Роналду бўлиш мумкин.

Фаолиятидаги энг кучли жамоадоши ҳақида

Мен Зайниддин Зиданни танлайман. У ажойиб инсон ва фантастик футболчи! Мен учун у билан “Ювентус” ярим ҳимоясида ҳаракат қилиш катта шараф бўлган. Умуман олганда, у ҳам мен ҳақимда шундай фикрда

Aлмаштириб бўлмас футболчи

Футбол олами Aлессандро Дел Пьеро сингари футболчини бошқа ҳеч қачон кўрмайди.

Энг жисмонан кучли футболчи

Мен Яп Стам билан бирга тўп сурганман. У чинакам қоя эди. Очиғи у билан машғулотларда ҳам қарама-қарши келишни ҳеч ким истамасаган.

Ўз танасига бўлган муносабати ҳақида

Мен ҳаётим давомида ҳеч қачон спиртли ичимлик ичмадим, наркотикларни қабул қилмадим хатто тамаки ҳам чакмадим. Ўз вақтида танамга зарар етказишидан қўрқиб шифокорлар ёзиб берган дориларни ҳам қабул қилишдан бош тортганман. Менинг руҳим жойлашиши мумкин бўлган бир дона танам бор холос. Шу сабабли уни эҳтиёт қилишга ҳаракат қиламан.

Манба: stadion.uz
Киритилди: 14:18, 14.03.2020.
Ўқилди: 4141 марта.
Фикрлар: 5 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.