"Эспаньол" Европада коронавирус пандемияси келтириб чиқарган оғир молиявий даврда даромад етишмаслигидан қандай чора кўриш ҳақида қарор қилди.

Каталонияликлар матбуот хизматининг хабар беришича, "Эспаньол" барча жамоа футболчилари, шунингдек, клуб ходимларининг маошларини 70 фоизга камайтирган.

Каталония клуби раҳбарияти ҳам иш кунининг қисқариши муносабати билан ўз маошларини ихтиёрий равишда туширишга қарор қилишди.

Эслатиб ўтамиз, Испанияда карантин пайтида футболчиларнинг ойлик маошини камайтиришга қарор қилган биринчи клуб "Барселона" эди.