“Зенит” клубининг собиқ дарвозабони Вячеслав Малафеевнинг қизи қамоққа олиниши мумкин. 16 ёшли Ксения гиёҳванд моддаларни тарқатганлиги учун 15 йилга озодликдан маҳрум этилиши мумкин. Бу ҳақда Sport24 нашри хабар бермоқда.

Маълумот учун, қизалоқ гиёҳванд моддалари сотишда қўлга олинган. У танишига тақиқланган модда бериб, махсус белги туширилган пулларни олаётганда ушланган.

Айни пайтда тергов қўмитаси томонидан 228-модда билан жиноят иши қўғатилган. Ҳибсга олинган шахс шифохонада кузатув остида сақланади.

Эслатиб ўтамиз, аввалроқ Малафеева ота-онаси билан бирга яшамаслиги тўғрисида хабарлар тарқалган эди. Бу ҳақда унинг онаси маълум қилган.