“Zenit” klubining sobiq darvozaboni Vyacheslav Malafeevning qizi qamoqqa olinishi mumkin. 16 yoshli Kseniya giyohvand moddalarni tarqatganligi uchun 15 yilga ozodlikdan mahrum etilishi mumkin. Bu haqda Sport24 nashri xabar bermoqda.
Ma’lumot uchun, qizaloq giyohvand moddalari sotishda qo‘lga olingan. U tanishiga taqiqlangan modda berib, maxsus belgi tushirilgan pullarni olayotganda ushlangan.
Ayni paytda tergov qo‘mitasi tomonidan 228-modda bilan jinoyat ishi qo‘g‘atilgan. Hibsga olingan shaxs shifoxonada kuzatuv ostida saqlanadi.
Eslatib o‘tamiz, avvalroq Malafeeva ota-onasi bilan birga yashamasligi to‘g‘risida xabarlar tarqalgan edi. Bu haqda uning onasi ma’lum qilgan.
