Лондоннинг "Челси" клуби собиқ футболчиси, ҳозирда Германиянинг "Герта" клубида тўп сураётган Саломон Калу, кийиниш хонасида қўл бериб кўришаётган видео тарқалганидан кейин машғулотлардан четлатилгани сабабли, ушбу ҳодиса ҳақида фикр билдирди.

"Агар Сизда вазиятни мен жиддий қабул қилмаганлигим ҳақида таасуроот уйғонган бўлса, бундан узр сўрайман, - Калунинг сўзларидан иқтибос келтирмоқда "Герта" клуби расмий сайти. - Умуман бундай эмас, мен Африкадаги инсонлардан хавотирдаман, чунки у ерда медицина Германия каби яхши эмас. Қилган ҳатти-ҳаракатим учун узр сўрайман. Мен ҳақиқатдан ҳам ўйламаган эдим ва барча топширган тест натижалари салбий чиққанидан хурсанд эдим. Бундан ташқари, видеороликда намойиш этилганлардан, видеотасвирга олаётганимни билмаганлардан ва кадрга тасодиф тушиб қолганлардан ҳам кечирим сўрайман"-деди Калу.